A Horta escolar - Voz Natura

  Esta semana tócanos experimentar durante os recreos e de xeito voluntario cos tintes naturais. Empregamos diferentes elementos para obter variedade de cores: tona da cebola, espinacas, remolacha, café, té, cúrcuma, azafrán... Despois pintamos sobre restos de  teas e  sobre o papel reciclado elaborado na semana anterior. Conseguimos unhas creacións plásticas moi orixinais.

  Novembro é o mes da ciencia e dende o noso colexio organizamos distintos obradoiros de experimentos durante o recreo para que as nenas e nenos poidan participar de xeito voluntario.  Nesta semana, do 11 ao 15 de novembro  elaboraremos papel reciclado empregando restos de papel sobrante desfeito en anaquiños pequenos, ao que engadiremos cola e auga. Logo cunha variña de bater desfaise formando unha pasta. Despois hay que pescar os anaquiños de papel cun bastidor, colocalos sobre unha tea e por último prensalos. PORTAL DA LINGUA   programa de televisión Os nosos experimentos  CRA Monterrei Experimentos no CEIP Eduardo Pondal de Vigo  CEIP Eduardo

Do 4 de novembro ao 4 de decembro poderemos gozar no noso centro das lecturas da Maleta Climática do CEIDA e ampliar a información para os traballos  de temática ambiental. A maleta climática forma parte do programa Por unha Transición ecolóxica que o CEIDA desenvolve co apoio da diputación de A Coruña e axudando a acadar varios obxectivos da Axenda 2030. O propósito é que o alumnado dos centros educativos solicitantes comprenda a problemática do cambio climático e da crisis global, coñeza os escenarios do futuro que podemos atopar se non comezamos a actuar canto antes, así como as ferramentas que a cidadanía pode ter  para mitigalo.                                                                     

Comezamos novembro celebrando o mes da ciencia cun obradoiro  impartido por dúas científicas do CSIC.  

Como cada ano o   3 de novembro   homenaxeamos o día do nacemento de   Xosé Neira Vilas , escritor galego.  Neste día adicado ao lector/a propoñemos a realización dun  marcapáxinas  con temática da obra más recoñecida de dito autor:" Memorias dun neno labrego". Un libro no que o escritor transmite os recordos  e aventuras dos nenos da aldea e onde os elementos da natureza teñen un plano especial. Incentivamos ao alumnado á lectura coa cercanía coa que nos toca este autor nado en Vila de Cruces e tan relevante na historia da literatura galega.  Neira Vilas na súa casa en Gres.