A Horta escolar - Voz Natura

  A  Este ano estamos moi contentas e contentos porque os nosos buxos non teñen a avelaíña e relocen verdes e frondosos, que sorte!!

   De forma periódica fomos creando un rexistro das velutinas que apresamos nas cinco trampas que temos instaladas no noso patio e cando fixo falta elaborar máis líquido atraente para enchelas organizamos obradoiros no patio exterior ou na Aula da Natureza. O noso alumnado xa diferencia con soltura os distintos tipos de avespas. Anque nesta primavera non fixo tanto calor aínda se pillaron bastantes velutinas, o numero foi variando ao longo do mes e función da meteoroloxía e das plantas que estaban con flor. Levamos capturadas 129 velutinas ata o de agora.

 Xa estamos rematando as clases e comezamos coas excursións de fin de curso. O alumnado de 2º e 3º ciclo realizou esta semana, concretamente o día 15, a súa saída  a Pontevedra, pola mañá visitaron o Museo de Pontevedra onde puideron observar  a arte española dos séculos XIX e XX, a obra de Castelao e a colección de arqueoloxía onde destacan as pezas de orfebrería; cada ano este m useo organiza diversas exposiciones cumprindo coa  función de divulgación da historia, da arte e do mundo cultural en xeneral  . Xa pola tarde achegáronse ao Parque Arqueolóxico da Arte Rupestre de Campo Lameiro para observar os petróglifos e a recreación do poboado da Idade do Bronce. Na última hora da tarde gozaron dunha merenda  nunha contorna natural como é a Área Recreativa  das Pedrosas en Silleda. Unha xornada para o recordo.

O venres 16 de maio conmemoramos no noso centro o Día das Letras Galegas con poesías, cantigas e xogos populares. Tamén nos acompañou Fernando, membro do grupo folclósico A Carballeira de Cercio e antigo conserxe no noso centro, que nos engaiolou cos toques de  pandeireta e con cantigas moi fermosas. Ao longo da semana, a rapazada fixo unha recompilación de cantigas populares que despois recitaron, ademais, cantamos e bailamos a canción" Terra" das Tanxugueiras. Foi unha xornada moi emotiva e divertida. ACTIVIDADES PRIMAVERA DAS LETRAS PRIMAVERA DAS LETRAS   SEMINARIO GALÁN EN LIÑA SEMINARIO GALÁN ACTIVIDADES  EN PAPEL https://drive.google.com/file/d/1g9K1V4sid_y2oxZm0Xl3EpXzP8hpckK1/view?usp=sharing CANCIÓN DAS LETRAS GALEGAS   BIOGRAFÍA MUSICAL AUDIO LIBRO 

Con motivo da celebración do  Día Internacional da Terra   o alumnado de 3º curso presentamos o noso proxecto sobre   a p a i s a x e,  os cambios que se producen nela a as causas que provocan estes cambios.   O día 22 de abril celébrase o Día da Terra para concienciar sobre a necesidade de procurar unha economía sostible, válida para as persoas, pero tamén para o planeta. A Terra pídenos que actuemos, por iso nós debemos contribuír e dar respostas: evitar a contaminación nos océanos, coidar os ecosistemas, protexer a nosa paisaxe, os bosques, a flora e    a fauna  que os habita.  Dentro do proxecto anual de centro:  "Ciencia para un futuro sostible" , os nenos e nenas de 3º curso realizamos o noso proxecto. Unha labor minuciosa, realizada ao longo de todo o curso e traballando arreo no colexio e tamén nos nosos fogares.  Contamos coa axuda das  nosas familias que colaboraron e nos acompañaron  na pescuda de informació...

 Os pitiños xa teñen 15 días e están moi grandes, por iso hoxe preparamos unha nova casiña no almacen dos xoguetes. Agora van ter máis espazo para moverse.