Contando coa colaboración de Lorena Quan, unha das mamás do noso colexio, organizamos un obradoiro para elaborar xabón caseiro. Xuntámonos na carballeira para utilizar a nosa Aula da Natureza, estaba unha mañá moi agradable para estar ao aire libre. Seguimos con atención as explicacións de Lorena para aprender a facer o xabón e podelo explicar posteriormente nas nosas casas. Como a sosa cáustica é peligrosa, a persoa que a manipula debe ter precaución e utilizar gafas, luvas e máscara.
Os ingredientes que se precisas son:
- 1 litro de auga
- 1 litro de graxa de porco
- 130 gramos de sosa cáustica.
Primeiro botamos nun caldeiro a auga fría, engadimos pouco a pouco a sosa e remexemos cunha culler, con moito coidado, para ir facendo a mestura, sempre no mesmo sentido. Este proceso provoca un aumento de temperatura. Como xa tiñamos a graxa derretida, despois fómoslla engadindo á mestura anterior e seguimos remexendo. Para que espesara pronto empregamos unha batedeira. Por último, baleiramos o líquido nuns briks de leite que reutilizamos como recipientes.
Moitas grazas a Lorena por compartir connosco esta experiencia, sempre está disposta a colaborar e axudar. Graciñas!!
Comentarios
Publicar un comentario