O Día Internacional do Libro foi fixado pola UNESCO no ano 1995 para fomentar a cultura literaria e protexer a propiedade intelectual; tendo como obxectivo apoiar a creatividade, a diversidade e a igualdade de acceso ao coñecemento.
Escolleuse esta data porque coincide co
pasamento de tres grandes autores da literatura universal, como foron: William Shakespeare, Garcilaso de la
Vega e Miguel de Cervantes.
En Cataluña a xornada cadra tamén co Día de Sant Jordi, onde a tradición agasalla
cunha rosa e un libro.
No colexio conmemoramos o Día do Libro coa visita de Susa Herrera. Ela
naceu en Santander e adicou a súa traxectoria profesional á docencia e á
divulgación musical. Foi profesora titular de Expresión Musical na Facultade de
Ciencias da Educación e do Deporte do campus de Pontevedra. É autora de moitos
contos para nenos e nenas e leva toda a vida demostrando que os contos tamén se
cantan e ademáis pódense bailar. Agora está xubilada, máis segue compoñendo,
difundindo cancións para a rapazada e coa esperanza de que a xente atope, a
través da música, máis paz interior. Ten sete libros adicados aos animais e
hoxe puidemos cantar e bailar con ela cancións do seu libro titulado “Cabárceno”.
Moitas grazas Susa por adicarlle tantas cancións aos nosos amigos os animais!!
Comentarios
Publicar un comentario