A Horta escolar - Voz Natura

 Remata o curso escolar no CEIP Xoaquín Loriga e facémolo cunha gran certeza. Este curso aprendemos a protexer o que máis importa. Baixo o lema "Coida do clima, coida dos teus" fomos adquirindo un pouquiño máis de responsabilidade , respecto e coidado do noso planeta. Como broche de ouro a todo este traballo, publicamos a nosa revista O CAMIÑO. GRAZAS A TODA COMUNIDADE EDUCATIVA POR FACER MEDRAR ESTE PROXECTO. O EQUIPO DO CEIP XOAQUÍN LORIGA DESÉXAVOS UN FELIZ, SOSTIBLE E MERECIDO VERÁN.  

Os nenos e nenas de 4º de educación infantil crearon un conto titulado "O saltón Manoliño". Elas e eles mesmos/as inventaron a historia e fixeron as ilustracións.

 O alumnado de 6º de educación infantil elaborou un traballo titulado "As árbores na fraga" onde estudaron as partes das árbores, os tipos de folla caduca ou perenne, as especies autóctonas e as especies invasoras de Galicia.Chegando á conclusión de que as árbores aborixes cumplen unha importante función: purifican o aire, dannos sombra, son acubillo de animais e mitigan o efecto do cambio climático.

 A rapazada de 4º de infantil construeu un Insectarium con materiais naturais  observando imaxes dos insectos.

  O comezo dunha nova etapa escolar é un momento cheo de emocións, ilusións e, ás veces tamén de pequenos nervios. Por iso, o martes abrimos as portas do noso centro para recibir cun gran sorriso ás familias e aos nenos e nenas que se incorporarán ao cole o vindeiro curso. Acompañados pola rapazada que xa está en infantil, os novos alumnos participaron nunhas actividades colaborativas cheas de cor e ledicia.  Xuntos pintaron unhas cintas de cores coas que despois decoraron as árbores da nosa carballeira. Ademáis, os pequenos tamén se divertiron buscando e  pintando as súas caras con deseños cheos de imaxinación. Un momento moi especial da xornada foi cando  os nosos pequenos visitantes e as súas familias puideron escoitar un conto moi especia l "O saltón Manoliño" , unha historia imaxinada, ilustrada e elaborada con moito agarimo polos nenos e nenas de 4º de Educación Infantil. E xa para rematar a xornada da mellor maneira posible compartimos unha deliciosa merend...

 Xa estamos na penúltima semana do curso, a piques de rematar e a rapazada de 1º e 2º de primaria gozou dunha mañá de lecer en Doade visitando a Casa do Patrón. Comezou a visita co obradoiro de queixo, onde cada neno e nena participou na elaboración do seu propio queixo e que puido levar para a súa casa. Despois fixeron un obradoiro de cestería onde cada quen confeccionou o seu soporte de lapis tecendo coa médula de xunco. Entre taller e taller percorreron as distintas seccións do museo, nas que o alumnado observou os apeiros e utensilios que se empregaban antes nos distintos oficios: costureiras, tecedeiras, canteiros, ferreiros, zoqueiros, gandeiros, agricultores, arrieiros...Tamén viron como eran as tabernas e as escolas daqueles tempos.