A Horta escolar - Voz Natura

 O alumnado comezou a utilizar nos lavabos os xabóns naturais elaborados este ano nos distintos obradoiros.

 Cando a primavera está húmida nos troncos volven a brotar os cogomelos. unha vez que rematan a produción poñémolos en posición horizontal, mollámolos e tapámolos cunha lona.

 Ao longo do curso as distintas clases fixeron manualidades con elementos naturais e tamén reutilizaron  distintos materiais.

 Na área de influencia do colexio Xoaquín Loriga de Prado sempre se cultivaron cereais e comezamos a investigar e entrevistar a xente maior con experiencia na sementeira dos cereais. Nesta búsqueda atopamos na aldea de Cristimil a Aurora Santomé e a Adela García, e na aldea de Santiso a  MªRosa.   Tanto Aurora, como Mª Rosa ou Adela manifestan que o trigo e o centeo debíanse sementar na lúa nova de abril porque se o facías antes collía peste. Tamén recordan que se chovía moito o trigo afillaba máis. Manifestan que o cereal de tarde se empregaba para cociñar.  Toda unha sabedoría da experiencia. Moitas grazas a todas elas por ensinarnos como cultivaban os cereais antes.

 A rapazada de 4ºde Educación Infantil recitou o poema de Antonio García Teixeiro titulado "A primavera", onde se reflexan os cambios que se observan nesta estación en canto ao aumento das horas de día, as subidas de temperaturas e o despertar da flora e a fauna. Que estación tan fermosa!

Chegou o bo tempo e é necesario un cambio de emplazamento para facer as lecturas, así preparamos o tren , enchémolo de libros relacionados co proxecto "Coida do clima, coida dos teus" e cada día buscamos un conductor/ra voluntario /a que o conduza. As lecturas prestan máis co son dos paxariños, cos aromas das flores, co aire dándoche na cara e sentado na Aula da Natureza.