VERMICOMPOSTAXE

Reutilizando dúas caixas de "porespán" construímos un vermicomposteiro caseiro con miñocas comúns da zona. A intención é que o alumnado poida observar como se transforma a materia orgánica das merendas en humus líquido, que utilizaremos posteriormente para abonar as plantas da horta e as ornamentais de dentro do colexio, pois é rico en nutrientes, principalmente nitróxeno e potasio, amais incrementa a actividade microbiana do solo.

A vermicompostaxe é o proceso de descomposición e transformación da materia orgánica en humus, realizado pola dixestión das miñocas e a acción combinada de microorganismos presentes no solo. O resultado do proceso, o vermicompost, é un excelente fertilizante orgánico e biorregulador do solo.

  As miñocas denomínanse o “muíño biolóxico”, xa que modifican as características físicas, químicas e biolóxicas, acelerando a súa estabilización e hixienizando a materia orgánica. Pasan por dúas fases durante o proceso: unha inicial (actividade da miñoca) e outra activa (poboación microbiana). 

Características da miñoca.

Animal invertebrado co corpo dividido en aneis, beneficioso para o solo.

Pode medir ata 30 cm de longo. A súa cor pode ser vermella pálida, rosada ou castaña. É un animal hermafrodita con órganos reprodutores femininos e masculinos que precisa emparellarse para reproducirse. Vive nos solos húmidos e ricos en materia orgánica da que se alimenta.

• Non ten aparato mastigador.
• Non ten pulmóns, respira a través da pel.
• Non ten ollos, pero pode sentir a luz e escapar dela.
• O único órgano sensorial que posúe é o tacto.
• Ten cinco pares de corazóns, postos en liña.
• Se lle seca a pel, a lombriga morre.
• Poden medir entre 5 e 9 cm de longo e 3 a 5 cm de diámetro.
• O corpo é alongado, con simetría bilateral.
• Cando se parten a metade poden facer crecer unha nova cola pero non unha nova cabeza.
• A cor das lombrigas varía dende o marrón escuro ata o violeta, pasando polo vermello.
• As lombrigas adultas teñen un anel máis groso que os demais (cliterio) que está próximo a un dos extremos, a boca atópase do lado deste anel.
• O cliterio é o órgano sexual da lombriga e onde garda os ovos.
• Os ovos teñen forma de pera e cor amarela e deles sairán de 2 a 21 miñocas segundo a especie.
• Non ten ningún mecanismo de defensa, nin se lle coñecen enfermidades.
• Pode chegar a vivir 15 anos.
• Poder chegar a devorar entre medio gramo e un gramo diario de alimento.
• É fotofóbica (os raios ultravioletas fanlle moito dano).
• Non transmite ningunha enfermidade.
• Os seus puntos febles son: as temperaturas extremas (non soporta temperaturas superiores aos 30º C nin inferiores a 5ºC), a sequidade ou o exceso de humidade e a fermentación descontrolada. Se a temperatura é moi alta e o grao de humidade non é suficiente, morrerán deshidratadas.