Neste primeiro trimestre proseguimos coa actividade diaria do rexistro do tempo atmosférico utilizando os aparatos que xa temos de vello no colexio e tamén consultando a páxina de MeteoGalicia. Cada mes unha determinada clase é a encargada de efectuar as anotacións nunha táboa de rexistro. A mediados de novembro recibimos a grata novidade de que fomos seleccionados para participar no programa MeteoEscolas, isto permitiranos profundizar no coñecemento meteorolóxico. Continuaremos utilizando a nosa casiña do tempo para colocar o novo termómetro dixital que nos regalaron e tamén o pluviómetro.