Os buxos da nosa carballeira están cheos duns vermes de cor verde, trátase dun fungo moi malo que pode chegar a matar a planta. Este fungo chámase cylindrocladium buxicola, ataca sobre todo ao buxo e é moi complicado acabar con el, xa que ao ser un fungo, son esporas que se moven polo aire.
Este fungo produce unha defoliación: pérdense todas as follas, despois ataca ao talo da planta e pode rematar consumindo completamente a vida do buxo. Ataca sobre todo no verán, cando as temperaturas son altas. Amais propágase moito coa chuvia, ao caer as pingas de chuvia sobre as follas que están contaxiadas, a auga fai que se extenda aínda máis.
Por iso, recoméndase evitar regar con aspersor, xa que deste xeito a plaga exténdese moito máis rápido.
Ante a aparición de follas de cor marrón escura, como se tivesen aceite, debemos de tratar a planta o antes posible cunha actuación preventiva para evitar que o fungo se expanda, pois non existe un tratamento de eliminación total desta plaga. O tratamento ten como función sanear toda a zona afectada a través dunha boa poda e unha boa limpeza. Deberemos queimar esos restos e non se poderán aproveitar para o composteiro.
O fungo cylindrocladium buxicola é un dos fungos máis complicados de tratar xa que unha vez que entra no buxo pode manterse durante tres anos nunha folla. Recoméndase aplicar unha bacteria, como alternativa biolóxica, chamada Bacillus thuringiensis á tardiña, pois é cando están máis activos os vermes.
Nós hoxe empregamos Terra de Diatomeas, algas fosilizadas, pulverizando cun fol para eliminar estes vermes de xeito ecolóxico. Teremos que seguir cunha observación periódica e facer máis aplicacións do produto.
Comentarios
Publicar un comentario