Hoxe o alumnado de 5º e 6º de primaria comezou a xornada cun obradoiro de arqueoloxía experimental. Víctor García é un dos arqueólogos especialistas que traballa na Área de Recuperación Arqueolóxica situada en Cira, Concello de Silleda. Dende o ano 2022 reproducen pezas da Idade do Bronce cunha técnica experimental. O bronce é un metal que se fai con cobre e estaño.
Nas zonas de enterramento, as mámoas, os arqueólogos atopan moitos obxectos que proporcionan información de como vivían as persoas na Idade de Bronce. Obxectos como: frechas, espadas, coitelos, cerámica...Aos mortos tamén lles deixaban comida.
Amosounos e falounos sobre pezas que se utilizaron en Galicia neste momento histórico, pezas duns 6.000 anos de antigüidade. Pedras coma o silex, o cuarzo ou a pedra mol, que utilizaban para facer utensilios necesarios para a vida diaria: coitelos, espadas, machadas e adornos. Para os mangos empregaban madeiras brandas coma o salgueiro. Como fio para atar as pezas utilizaban o tendón dos animail, cos dentes mordíano para podelo fiar e como pegamento empregaban unha resina feita con carbón vexetal e con resina de pino. Para elaborar os adornos de colares e pulseiras utilizaban contas de pasta vitrea oculada, fundían a area a altas temperaturas e os cordeis facíanos de fibras vexetais coma: liño, ortigas e códea das árbores. Tamén elaboraban nasas con vimbios para pescar.
Ensinounos un taladro de inercia que aínda hoxe utilizan na China rural, con el pódense facer buratos ou prender o lume.
Comían cereais (trigo), legumes ( chícharos e fabas), peixes e carne. Xa daquelas bebían cervexa.
Aprendemos moito con este obradoiro!!
Comentarios
Publicar un comentario