ECONOMÍA CIRCULAR. 2º DE PRIMARIA.

Continuamos coas exposicións de temática medioambiental relacionadas co proxecto de centro  "Coida do clima, coida dos teus". 

 2º de primaria foi o curso encargado de proseguir o proceso expositivo co seu traballo "A Economía Circular" conmemorando así o Día Internacional do Concumo Responsable que se celebrou o 15 de marzo.

 A economía circular é vital para combatir o cambio climático xa que aborda o 70% das emisións globais de gases de efecto invernadoiro derivadas da extración e uso de materiais. Ao reutilizar, reparar e reciclar produtos redúcese a necesidade de recursos virxenes, disminuindo a enerxía e a contaminación asociadas.

Podemos considerar o noso sistema económico actual como unha economía "lineal", un modelo que extrae materia prima da natureza, creando produtos a partir dela e cando xa non serven tíranse como residuos. Esto produce un impacto significativo sobre o medio ambiente, agravando a crise climática, a pérdida de biodiversidade e por conseguinte un problema de contaminación.

Pola contra, a economía circular apunta a minimizar as emisións de carbono  e a promover o uso sostible dos recursos naturais a través de deseños de produtos máis intelixentes, con unha vida útil máis prolongada, de unha maior reciclaxe e contribuíndo á rexeneración da natureza. Amais  de contrarrestar o problema da contaminación, a economía circula rdesempeña un papel vital para resolver outros desafíos de gran complexidade como o cambio climático e a pérdida de biodiversidade.