Pablo e Diego, membros da Asociación Cultural e Veciñal Bolarqueira de Noceda, visitáronnos hoxe para contarnos como esta asociación traballa pola dinamización e difusión da cultura no rural, ademáis de concienciar no coidado da contorna natural desta aldea. Faláronnos do Noceda Rock, de todas as actividades que se farán o 13 e 14 de xuño, xa que esta será a décima edición deste evento, desta volta o cartel anunciador foi creado pola artista Carlota Salgado, no que intentou representar un carballo coas raices cara arriba e as polas cara abaixo.
Continuamos coas exposicións de temática medioambiental relacionadas co proxecto de centro "Coida do clima, coida dos teus". 2º de primaria foi o curso encargado de proseguir o proceso expositivo co seu traballo "A Economía Circular" conmemorando así o Día Internacional do Consumo Responsable que se celebrou o 15 de marzo. A economía circular é vital para combatir o cambio climático xa que aborda o 70% das emisións globais de gases de efecto invernadoiro derivadas da extración e uso de materiais. Ao reutilizar, reparar e reciclar produtos redúcese a necesidade de recursos virxenes, disminuindo a enerxía e a contaminación asociadas. Podemos considerar o noso sistema económico actual como unha economía "lineal", un modelo que extrae materia prima da natureza, creando produtos a partir dela e cando xa non serven tíranse como residuos. Esto produce un impacto significativo sobre o medio ambiente, agravando a crise climática, a pérdida de biodiversidade e p...
Comentarios
Publicar un comentario