Día das Bibliotecas e Día Internacional contra o Cambio Climático

Como cada 24 de outubro, celebramos o Día das Bibliotecas e, aproveitando a ocasión, inauguramos a biblioteca do centro para este curso académico. A maiores, e dada a coincidencia do día co Día Internacional contra o Cambio Climático, centrámonos na temática medioambiental, relacionada coa nosa participación no programa Voz Natura e co noso proxecto de centro que leva por título Compromiso co medio que nos rodea.

Para a conmemoración destes días, os compañeiros e compañeiras de quinto fixéronnos partícipes da representación teatral A Terra está enferma, na que abordamos a problemática real do planeta.

Pola súa banda, as alumnas e alumnos de sexto, xunto coa colaboración doutros rapaces e rapazas dos distintos cursos, interpretaron o rap A reciclaxe, no que destacamos a importancia de reducir o consumo e efectuar unha correcta e selectiva recollida dos residuos.

Así mesmo, tamén fixemos entrega a cada curso de agasallos para promover o compromiso con esta causa e que todos e todas poidamos reducir, reutilizar, reciclar e coidar do noso planeta. A continuación podedes ver os vídeos das actividades que realizamos.

Comentarios

Publicacións populares deste blog

1º PRIMARIA: AS PLANTAS E OS SEUS BENEFICIOS

Para conmemorar o Día dos Humidais (2 de febreiro) hoxe comezamos coas exposicións sobre os traballos de investigación de temática medioambiental. As rapazas e rapaces de 1º de primaria fixeron a súa posta en escena ao resto do centro educativo do seu proxecto: As plantas e os seus beneficios . Despois contaron o conto de Ledicia Costas Sete dentes de león, recitaron un poema sobre o arco da vella e remataron bailando e cantando unha canción sobre as plantas. As plantas son seres vivos que precisan: auga, terra, aire e luz do sol para vivir. Viven fixas á terra e constan de raiz, talo, pólas e follas. Cada parte realiza unha función específica e das súas flores nacen os froitos. Van sufrindo cambios ao longo das estacións do ano. Reprodúcense por sementes ou pólas. Tanto a asociación como a rotación de cultivos ofrecen moitas vantaxes na horta, xa que eliminan pragas e enfermidades. Hai estudos científicos que certifican os beneficios das plantas sobre as persoas, pois crean un a...

Ler máis

DÍA DO LIBRO CON SUSA HERRERA.

O Día Internacional do Libro foi fixado pola UNESCO no ano 1995 para fomentar a cultura literaria e protexer a propiedade intelectual; tendo como obxectivo apoiar a creatividade, a diversidade e a igualdade de acceso ao coñecemento. Escolleuse esta data porque coincide co pasamento de tres grandes autores da literatura universal, como foron: William Shakespeare, Garcilaso de la Vega e Miguel de Cervantes . En Cataluña a xornada cadra tamén co Día de Sant Jordi, onde a tradición agasalla cunha rosa e un libro. No colexio conmemoramos o Día do Libro coa visita de Susa Herrera. Ela naceu en Santander e adicou a súa traxectoria profesional á docencia e á divulgación musical. Foi profesora titular de Expresión Musical na Facultade de Ciencias da Educación e do Deporte do campus de Pontevedra. É autora de moitos contos para nenos e nenas e leva toda a vida demostrando que os contos tamén se cantan e ademáis pódense bailar. Agora está xubilada, máis segu...

Ler máis

OS PITIÑOS CAMBIARON DE CASA

Os pitiños xa teñen 15 días e están moi grandes, por iso hoxe preparamos unha nova casiña no almacen dos xoguetes. Agora van ter máis espazo para moverse.

Ler máis

A Horta escolar - Voz Natura

Buscar neste blog