Ao comezo do curso fíxose unha recolleita dos cultivos plantados na primavera na nosa horta escolar, como foron: cenorias, patacas, allos, tomates, alquequenxes, cabazas, as pipas dos xirasois e tamén as noces da nogueira que temos na carballeira.
No mes de outubro o alumnado de 4º de primaria transplantou nabicol no seu bancal e os nenos e nenas de 3º fixeron unha sementeira de landras e castañas, contribuíndo así á proliferación dos bosques autóctonos de Galicia como son os soutos e carballeiras.
Como ben di o dito: " O que queira ter bo allal plánteo no Nadal" os nenos e nenas de infantil e 1º de primaria seguiron o consello e puxéronse ao traballo en decembro.
No outono tamén plantamos roseiras donadas pola avoa de María González Sampayo. Estamos desexando que chegue a primavera para poder gozar das súas fermosas cores.
Outro dos traballos importantes do outono foi a recolleita de follas para empregalas como material estructurante nos nosos composteiros escolares.
No outono foi o momento axeitado para poder transplantar algunhas árbores ornamentais co proposito de facer sombra para poder xogar no areeiro cando veñan os días moi calorosos.
Comentarios
Publicar un comentario