O 30 de xaneiro festexamos o Día da Paz e non Violencia. Cada curso fixo un traballo escrito no que relacionou a súa temática medioambiental (a reciclaxe, a auga, as estacións, o clima, as abellas, a paisaxe, a lúa e o sol) dentro do proxecto de Voz Natura e PLAMBE titulado "Compromiso co medio que nos rodea" coa situación que ten actualmente Ucraína. Con todos eses traballos fíxose un mural que se colocará na entrada do colexio. Despois escoitamos un fragmento da obra "A gran porta de Kiev" do compositor ruso Modest Mussorgsky e rematamos cantando a canción "El Progreso" do brasileiro Roberto Carlos.
Comentarios
Publicar un comentario