Cada 8 de marzo conmemórase o Día Internacional da Muller. A ONU proclámao no 1975 despois de innumerables manifestacións de mulleres pedindo o dereito ao voto, mellores condicións de traballo e a igualdade entre sexos. En Europa a loita comeza a principios do século XX, pero en EEUU os movementos feministas empezan no 1848, xa que as mulleres non podían opinar nas conferencias.
Este ano no CEIP Xoaquín Loriga escollemos como referente feminino a figura de Greta Thunberg, investigamos e informámonos sobre o seu papel activista na loita contra o cambio climático. Comezou a ser coñecida con 15 anos, cando iniciou unha folga escolar como protesta polas olas de calor e os incendios forestais do seu pais, Suecia. Chegou a ser unha inspiración para os xóvenes de todo o mundo, pois axiña captou a atención dos medios de comunicación.
Dende o colexio quixemos sumarnos á loita de Greta e cada clase ideou un lema medioambiental relacionado coa súa temática dentro do proxecto de centro"Compromiso co medio que nos rodea".
Comentarios
Publicar un comentario