O 27 de febreiro o alumnado de primaria asistíu no colexio ao taller da Casa Grande de Xanceda titulado "Rosco ao rescate". Rosco é un ourizo cacho e a través da súa historia unímonos á misión de salvar a natureza. No taller abordamos temáticas moi imporantes para o coidado do medio ambiente como: a polinización e a gran labor das abellas, a contaminación e os seus efectos no noso planeta, a cadea trófica e as consecuencias que ten a súa alteración. Tamén nos agasallaron cuns lapis que conteñen sementes nunha capsuliña para poder plantar.
Por último, faláronnos das xa coñecidas como as tres R( reducir, reutilizar e reciclar) engadindo unha máis, reflexionar, algo fundamental para seguir avanzando no noso compromiso co medio que nos rodea.
Moitas grazas á Casa Grande de Xanceda por permitirnos gozar dunha actividade tan interesante, agardamos volver a contar cunha próxima visita de Rosco.
Comentarios
Publicar un comentario