O día 22 de abril celébrase o Día da Terra para concienciar sobre a necesidade de procurar unha economía sostible, válida para as persoas, pero tamén para o planeta. A Terra pídenos que actuemos, por iso, nós debemos contribuír e dar respostas: evitar a contaminación nos océanos, coidar os ecosistemas, protexer a nosa paisaxe, os bosques e a fauna e a flora que os habita.
Dentro do proxecto anual de centro: Compromiso co medio que nos rodea", os nenos e nenas de 3º curso realizaron o seu proxecto sobre a paisaxe, máis concretamente sobre a paisaxe de Galicia e do valor que representa para a nosa comunidade. Un traballo minucioso, realizado ao longo de todo o curso e no que se implicaron moi a fondo, eles e tamén as súas familias, colaborando na pescuda de información, elaborando traballos sobre ecosistemas relacionados coas diferentes paisaxes e deseñando maquetas moi fermosas, á vez que descritivas de paisaxes diferentes.
Este luns, 24 de abril, foi a data elixida para realizar a exposición do proxecto no salón de actos, para todos os seus compañeiros e compañeiras do colexio e para todo o profesorado do centro.
Moitos parabéns!!!
Ti dis: "Galicia é ben pequena".
Eu dígoche: "Galicia é un mundo".
Vicente Risco
As nenas e nenos de 3º curso dicimos:
"Coidar o Medio Ambiente é valorar a vida"
#PorUnhaGaliciaVerdeAzul"
.gif)
Comentarios
Publicar un comentario