Nesta derradeira semana de marzo tocoulle ao grupo de 5º de primaria facer a súa exposición sobre a auga. Faláronnos da auga doce e salgada e tamén dos ciclos da auga. Ademais, recordáronnos que o noso planeta Terra é o único do Sistema Solar que ten auga, condición indispensable para que haxa vida. É por iso polo que ao ver o planeta dende o espazo a cor azul predomina sobre a súa superficie. Resulta curioso que de toda a auga do planeta tan só o 3% é doce, e desta porcentaxe menos da metade é potable, se a contaminamos isto supoñería un gran problema, perigaría a vida de miles de seres vivos, plantas e animais que constitúen a gran diversidade de ecosistemas, ata se poñería en perigo a supervivencia do ser humano.
A auga é un recurso moi preciado, que debido ao cambio climático e ao quentamento da códea terrestre, actualmente escasea, por iso debemos reducir o seu consumo e conservar a súa calidade.
Comentarios
Publicar un comentario