Xa chegou a primavera, e con ela os cantos dos paxaros cóbrennos de ledicia cada día. Como queremos que na carballeira do noso colexio aniñen unha morea de paxariños estivemos colocando unhas bonitas casiñas de madeira. Os paxaros amais de dar femosura á nosa paisaxe coa súa plumaxe vistosa e entreternos cos súas belas cantigas, estamos sabedores dos seus múltiples beneficios:
- controlan plagas: aliméntanse de todo tipo de insectos, sobre todo os que atacan ás plantas.
- polinizan flores: paxaros coma os colibrís, ouriolos.... chupan o néctar das flores e convírtense en excelentes polinizadores.
- controlan as malas herbas: os mais comúns coma os pardais ou pinzóns aliméntanse de sementes que se consideran maleza.
- conservan o medioambiente: ao ter paxaros no patio créase un ecosistema saudable, protexendo especies vexetais e animais.
- aumentan o valor paisaxístico: ver aves e plantas convivir en harmonía xenera un gran valor á contorna. Todo un espetáculo de cor e cantos revoando.
As casiñas colgámolas das pólas dos carballos a partir de 2,5 m de altura e cunha orientación sueste. Así poderemos observar os paxaros dende lonxe e sen molestalos, evitando tamén que os depredadores poidan entrar con facilidade.
Comentarios
Publicar un comentario