Hoxe tivemos un obradoiro de cultivo de cogomelos nos troncos das árbores. A especie seleccionada para o cultivo foi o Shiitake (Lentinus elodes), de orixe asiática e moi apreciada polas súas características culinarias, nutritivas e medicinais. Durante o taller explicouse o proceso polo que se realiza a inoculación deste fungo nos troncos, neste caso, de carballo. Tamén se abordaron outros temas coma os diferentes tipos de nutrición nos fungos e a importancia de non consumir nunca cogomelos silvestres dos que no se coñece con exactitude a especie, xa que algunhas son velenosas. A actividade estivo desenvolta por Lorena e Óscar, nai e pai de dous nenos do colexio que tamén son membros da anpa. Dito obradoiro estivo dirixido a todo o alumnado tanto de infantil como de primaria. No colexio quedaron baixo o noso coidado e supervisión, tanto troncos acabados de preparar, que teremos que agardar aproximadamente un ano para iniciar a súa produción, como troncos inoculados previamente, que poderán empezar a producir cogomelos dentro de poucos días, deste xeito poderemos apreciar en breve o resultado do proceso.
Comentarios
Publicar un comentario