Saltar ao contido principal

FAI CLIC AO TEU BOCATA





 Hoxe gozamos co obradoiro do Plan Proxecta "Alimentate ben" na modalidade "Fai clic ao teu bocata". Os monitores do programa fixeron a presentación das personaxes Pan e Lata como protagonistas da actividade que xunto coa súa familia nos situaron nun mundo do comic a través da visualización dun video. Despois presentaron as características das conservas que se degustaron no obradoiro,visualizando un video onde apareceu o percorrido dende que están no seu hábitat natural ata que chegan a ser parte dun bocata, pasando polo proceso de enlatado. Despois tivo lugar a actividade lúdica en gran grupo, onde o alumnado tiña que pescar diferentes peixes e moluscos. Xa para rematar preparáronse os bocatas, cada quen escollía de xeito individual os ingredientes do seu bocata. Por último tivo lugar a degustación dos saborosos bocatas.


 





Comentarios

Publicar un comentario

Publicacións populares deste blog

1º PRIMARIA: AS PLANTAS E OS SEUS BENEFICIOS

 Para conmemorar o Día dos Humidais (2 de febreiro) hoxe comezamos coas exposicións sobre os traballos de investigación de temática medioambiental. As rapazas e rapaces de 1º de primaria fixeron a súa posta en escena ao resto do centro educativo do seu proxecto: As plantas e os seus beneficios . Despois contaron o conto de Ledicia Costas Sete dentes de león, recitaron un poema sobre o arco da vella e remataron bailando e cantando unha canción sobre as plantas. As plantas son seres vivos que precisan: auga, terra, aire e luz do sol para vivir. Viven fixas á terra e constan de raiz, talo, pólas e follas. Cada parte realiza unha función específica e das súas flores nacen os froitos. Van sufrindo cambios ao longo das estacións do ano. Reprodúcense por sementes ou pólas. Tanto a asociación como a rotación de cultivos ofrecen moitas vantaxes na horta, xa que eliminan pragas e enfermidades. Hai estudos científicos que certifican os beneficios das plantas sobre as persoas, pois crean un a...
Publicar un comentario
Ler máis

NOVA VISITA A MARCELLE

  A segunda visita a Marcelle fíxoa a rapazada de infantil e primeiro ciclo de primaria coincidindo co Día Mundial do Medio Ambiente. Nenos e nenas gozaron dunha xornada de lecer  viaxando en autobús ata Outeiro de Rei para observar e desfrutar da paisaxe e dos animais. O Día Mundial do Medio Ambiente conmemórase o 5 de xuño e estes últimos doce meses resultaron os máis calurosos dende que hai rexistros. Por outra banda, dende xuño de 2023 a temperatura media do planeta está 1,6 graos por riba dos niveis preindustriais. O planeta xa nos está enviando avisos sobre estes cambios no clima, por iso temos que reducir de forma drástica as emisión de efecto invernadoiro para evitar ou aminorar todo o que está ocorrendo: aumento dos prezos. inseguridade alimentaria. desastres naturais. enfermidades. máis mortes.
Publicar un comentario
Ler máis

SOBREIRAL DO ARNEGO

 Hoxe pasamos a mañá percorrendo a contorna natural do Sobreiral do Arnego. Gozamos dunha ruta de dúas horas e medias pola beira do río observando as sobreiras, os fogares para morcegos e plantando catro exemplares de carballos. Polo camiño tamén atopamos un sapiño pequeno e os restos dun xabaril morto. Dous axentes de ADEGA acompañáronnos no traxecto e tamén se encargaron de impartir a  información precisa. Foi unha excursión moi bonita para toda rapazada de 2º e 3º ciclo de primaria, na que experimentaron que se pode crear un entretido xoguete con paos e follas, e que tiveron que utilizar todos os sentidos para valorar a riqueza natural da zona. O noso centro participa no presente curso escolar  no “Proxecto fluviatilis: custodia para a resiliencia", da man da asociación ecoloxista ADEGA.  Este proxecto ten como obxectivo principal a conservación e rehabilitación de ecosistemas fluviais, aumentando a súa resiliencia ao cambio climático e a provisión de servizos eco...
Publicar un comentario
Ler máis