Desde 1973, fai xa 50 anos, cada 5 de xuño conmemoramos o Día Mundial do Medio Ambiente, esta data é o principal vehículo das Nacións Unidas para fomentar a conciencia mundial e a acción polo medio ambiente, chegando a converterse nunha plataforma vital para promover o progreso en materia de aspectos ambientais.
O Programa das Nacións Unidas para o Medio Ambiente (PNUMA) coordina esta
conmemoración na que participan máis de 150 países cada ano. As principais
corporacións, organizacións non gobernamentais, comunidades, gobernos e
celebridades de todo o mundo súmanse ás actividades do Día Mundial do Medio
Ambiente para defender un gran número de causas ambientais.
O Día Mundial do Medio Ambiente deste
ano 2023 céntrase nas solucións á contaminación por plásticos e o país
anfitrión é Costa de Marfil .
Nos últimos 50 anos, este día internacional
converteuse nunha das plataformas mundiais con maior alcance en favor das
causas ambientais. Decenas de millóns de persoas sumáronse a participar de
maneira virtual e presencial en actividades, eventos e todo tipo de iniciativas
ao redor do mundo. “O problema da contaminación por plásticos é un perigo
visible que afecta a todas as comunidades do mundo”, declarou o Sr. Jean-Luc,
ministro de Medio Ambiente e Desenvolvemento Sostible de Costa de Marfil .
En 2014,Costa de Marfil, prohibiu o
uso de bolsas plásticas e, desde entón, estivo apoiando a transición cara a
envases, envolturas e embalaxes reutilizables. A cidade máis grande do país
anfitrión, Abiyán, tamén se converteu nun centro para novas empresas orientadas
a combater a contaminación por plásticos.
No mundo cada ano prodúcense máis de 400 millóns de toneladas de plástico,
dos cales a metade se conciben para unha vida útil dun só uso, menos do 10%
recíclase. Estímase que entre 19 e 23 millóns de toneladas de refugallos
plásticos terminan cada ano en lagos, ríos e mares. Así mesmo, os
microplásticos (partículas plásticas cuxo diámetro é inferior a 5 mm) invaden
os alimentos, a auga e mesmo o aire.
Os produtos plásticos dun só uso que
resultan refugados ou queimados non soamente prexudican á saúde humana e á biodiversidade,
senón que igualmente contaminan todo tipo de ecosistemas, desde os picos de
montaña ata o leito mariño.
Para resolver esta crise, é necesario que os gobernos, o sector privado e
demais partes interesadas amplifiquen e implementen medidas eficaces. Por tal
motivo, resulta primordial que o Día Mundial do Medio Ambiente mobilice medidas
ambientais transformadoras en todos os recunchos do mundo.
O Día Mundial do Medio Ambiente 2023
conta co apoio do Goberno dos Países Baixos, un país exemplar que implementou
medidas ambiciosas relativas a todo o ciclo de vida do plástico.A ministra de Medio
Ambiente dos Países Baixos declarou “Entre un gran número de políticas elaboradas
en materia de produtos plásticos, os Países Baixos e a Comunidade Europea en
xeral comprometéronse firmemente a reducir a produción e o consumo de plásticos
dun só uso, que pode e debe ser substituído por alternativas duradeiras e
sostibles”.
O anuncio de hoxe súmase ao establecido pola resolución adoptada en 2022 na
Asemblea das Nacións Unidas para o Medio Ambiente que solicita elaborar un
instrumento internacional xuridicamente vinculante sobre a contaminación por
plásticos, en particular no medio mariño, do que se espera que as negociacións
finalicen para fins de 2024.
A conmemoración do quincuaxésimo Día Mundial do Medio Ambiente é un momento
propicio para que todos os gobernos, empresas, grupos comunitarios e individuos
se unan a este esforzo colectivo.
A campaña para o Día Mundial do Medio Ambiente 2023 usará a etiqueta
(hashtag) e lema #SinContaminaciónPorPlásticos.
Esta contaminación por plásticos tamén inflúe na nosa contorna por iso dende
o CEIP Xoaquín Loriga queremos conmemorar este día mundial do medio ambiente
destacando a importancia da reciclaxe e o coidado da biodiversidade, empezando
polos paxaros da nosa contorna que cumpren unha función no noso ecosistema
indispensable para o desenvolvemento da flora e fauna.
A continuación cada curso fixo a súa exposición sobre as características dos paxaros que podemos atopar na nosa
zona.
Comentarios
Publicar un comentario