MALETA NATURALISTA DO CEIDA

Hoxe chegou ao noso centro a maleta naturalista do CEIDA  e durante un mes poderemos gozar da información que nos aporta este material para a elaboración do traballo grupal que teremos que facer cada clase en relación ao proxecto " A defensa das nosas especies: o noso mellor legado".

O Centro de Documentación Ambiental Domingo Quiroga é un centro público de recursos de información e documentación sobre a Educación Ambiental e o Medio Ambiente. O seu funcionamento é similar ao dunha biblioteca especializada e alberga nas súas instalacións un amplo e variado fondo documental con máis de 27.000 recursos bibliográficos.

O centro forma parte dunha rede estatal, RECIDA (Rede de Centros de Información y Documentación Ambiental), que reúne a máis de 100  bibliotecas e centros de documentación representantes das distintas Comunidades Autónomas do estado español.

O Centro de Documentación Ambiental Domingo Quiroga recorda a figura de Don Domingo Quiroga Ríos (1900-1991), o cal tivo un papel moi relevante na defensa dos recursos naturais e do medio ambiente de Galicia. Foi o primeiro presidente da Asociación para a Defensa Ecológica de Galicia (ADEGA), asumindo dito cargo aos 74 años de idade. Contribuíu a chamar a atención sobre os perigos da enerxía nuclear e dunha industrialización nada respetuosa co medio ambiente. Grazas á súa intervención, e á doutras personas coa suficiente lucidez para intervir na cuestión publica, Galicia puido liberarse nos años 70 de soportar unha central nuclear ou nuevas fábricas de pasta de papel, das cales o impacto ambiental era xa evidente na ría de Pontevedra.

O CEIDA (Centro de Extensión Universitaria e Divulgación Ambiental de Galicia), a través do seu Centro de Documentación Ambiental, pon a disposición de todos os centros educativos, de xeito gratuito, varias coleccións de libros para achegar o medio natural ao seu alumnado. Con elas pretende dar a coñecer o patrimonio natural do nosa contorna máis próxima e fomentar a realización de actividades ao aire libre nos centros de ensinanza. Este centro, co apoio da Dirección Xeral de Patrimonio Natural da Xunta de Galicia, acaba de por en marcha o servizo das maletas naturalistas,  trátase dunha sección de guías de flora, fauna, fungos, cadernos de campo e outros recursos didácticos.