Que algarabia houbo hoxe no colexio, xa naceron os pitiños !!
Pasaron os 21 dias que nos dixera Diego Rois Losada, veterinario de AVIMÓS , que tiñan que estar os pitiños na incubadora. Só naceron 10 pitiños, mais son tan bonitos e pequerrechos que dá ganas de levalos para a casa.
Diego hoxe explicounos, a través dunha proxección de imaxes, como vai evolucionando ao longo dos 21 días o embrión dentro do ovo, ás veces non nacen todos porque os ovos non están fecundados ou lles faltou calor. Recordamos as partes que ten o ovo: clara e xema; agora ben, tamén ten unha cámara de aire para que o embrión teña osíxeno. Fíxonos observar como aos pitiños lles van aparecendo plumas novas que van mudando de cor. As galiñas tamén teñen cristas diferentes, unhas máis grandes e outras case non se ven. En canto á alimentación, nestes primeiros días temos que lles dar un pienso especial, agora ben, cando pase mes e medio xa poden comer trigo e millo.
Agora toca coidalos a diario, e deso xa se está encargando a Patrulla de Traballo que cada día vai cambiando de integrantes.
Comentarios
Publicar un comentario