Os quirópteros ou morcegos son unha orde de mamíferos placentarios cuxas extremidades superiores se desenvolveron como ás. Con aproximadamente 1.100 especies, representan aproximadamente un 20% de todas as especies de mamíferos, o que os converte na segunda orde máis numerosa desta clase.
Estes pequenos mamíferos son tan descoñecidos como esenciais nos ecosistemas onde habitan. Para a agricultura tamén son imprescindibles no control biolóxico de plagas, xa que son moi eficaces para controlar insectos nocivos para os cultivos, como poden ser algúns tipos de avelaíñas. Amais, funcionan como espalladores naturais de sementes e polinizadores de flores nocturnas como o agave. Os seus excrementos son recollidos e comercializados como fertilizante moi demandado e de gran valor no mercado.
Dende o colexio queremos contribuir coa súa supervicencia, por iso, grazas á donación da familia Feijoó Quan, colocamos no noso patio exterior dúas casiñas para morcegos. Moitas grazas a Lorena e a Óscar polo seu agasallo.
Comentarios
Publicar un comentario