Hoxe catro nenas e nenos, das clases de 5º e 6º de primaria, en representación do noso centro educativo, achegáronse ao concello de Lalín para expoñer, diante dalgúns membros da corporación municipal e xunto a outros rapaces e rapazas de centros educativos, as súas propostas para crear un futuro Lalín máis sostible e a gusto de todos e todas.
O noso alumnado solicita máis abundancia dos espazos verdes, con árbores e plantas autóctonas, eliminando as especies invasoras. Para evitar os desplazamentos ás cidades queren a reapertura do cine, fomentar o comercio local e aumentar os servizos de transporte público, especialmente desde os núcleos rurais ao casco urbano. Por último, consideran que se precisa fomentar a reciclaxe, facendo unha boa separación dos residuos.
Esperamos que o concello teña en conta as súas propostas, pois non teñen desperdicio.
Comentarios
Publicar un comentario