Obradoiro SEPARACIÓN DO LIXO

Hoxe tivemos un obradoiro relacionado coa separación axeitada do lixo promovido polo concello de Lalín  en colaboración  con Ecoembes e a Xunta de Galicia. Nel puidemos repasar a regra das 3 R (reducir, reutilizar e reciclar) e incluso nos falou dunha cuarta ( recuperación enerxética), que consiste en  utilizar os residuos que non se poden reciclar para opter enerxía.  Repasamos os distintos tipos de contedores e insistiunos  que no contedor amarelo só se depositan envases e envoltorios, filme, briks, papel de aluminio, papel de burbulla, botes de "spray" e o máis sorprendete, as caixas de madeira da froita, isto non o sabiamos. O iglú só é para  o vidro ( todos os recipientes de vidro teñen tapa), non para cristal ( vasos, lámpadas, anaco dun cristal dunha ventá...). Ao punto limpo vai todo o voluminoso e todo o que se enchufa, os "sprays" das moscas e os CD´s. Os medicamentos ao punto da farmacia. Despois temos o contedor marrón ou o composteiro (para a materia orgánica), o de pilas, o do papel, o xenérico ou de resto ( todo o que non se recicla), o de aceite de cociña usado ( non valen aceites de coche ou maquinaria) e o da roupa usada.

Rematamos dicindo que " o mellor residuo é o que non se produce".