OBRADOIROS DE CIENCIAS

Comezamos novembro conmemorando o mes da ciencia cun obradoiro impartido por dúas científicas do grupo de biotecnoloxía de especies leñosas da misión Biología de Galicia que pertence ao Centro Superior de Investigacións Científicas, CSIC. Conchi Sánchez e Nieves Vidal realizaron na biblioteca escolar obradoiros co alumnado dos diferentes cursos. As investigadoras explicaron o traballo que desenvolven no laboratorio para coidar e conservar especies leñosas autóctonas coma: o carballo, a sobreira, o castiñeiro e árbores monumentais tratando de reproducilas empregando técnicas de biotecnoloxía. Con estes obradoiros queren fomentar nas rapazas e rapaces o amor pola natureza e conciencialos da importancia das árbores e da súa conservación.

Comentarios

Publicacións populares deste blog

ECONOMÍA CIRCULAR. 2º DE PRIMARIA.

Continuamos coas exposicións de temática medioambiental relacionadas co proxecto de centro "Coida do clima, coida dos teus". 2º de primaria foi o curso encargado de proseguir o proceso expositivo co seu traballo "A Economía Circular" conmemorando así o Día Internacional do Consumo Responsable que se celebrou o 15 de marzo. A economía circular é vital para combatir o cambio climático xa que aborda o 70% das emisións globais de gases de efecto invernadoiro derivadas da extración e uso de materiais. Ao reutilizar, reparar e reciclar produtos redúcese a necesidade de recursos virxenes, disminuindo a enerxía e a contaminación asociadas. Podemos considerar o noso sistema económico actual como unha economía "lineal", un modelo que extrae materia prima da natureza, creando produtos a partir dela e cando xa non serven tíranse como residuos. Esto produce un impacto significativo sobre o medio ambiente, agravando a crise climática, a pérdida de biodiversidade e p...

Ler máis

DÍA DO LIBRO CON SUSA HERRERA.

O Día Internacional do Libro foi fixado pola UNESCO no ano 1995 para fomentar a cultura literaria e protexer a propiedade intelectual; tendo como obxectivo apoiar a creatividade, a diversidade e a igualdade de acceso ao coñecemento. Escolleuse esta data porque coincide co pasamento de tres grandes autores da literatura universal, como foron: William Shakespeare, Garcilaso de la Vega e Miguel de Cervantes . En Cataluña a xornada cadra tamén co Día de Sant Jordi, onde a tradición agasalla cunha rosa e un libro. No colexio conmemoramos o Día do Libro coa visita de Susa Herrera. Ela naceu en Santander e adicou a súa traxectoria profesional á docencia e á divulgación musical. Foi profesora titular de Expresión Musical na Facultade de Ciencias da Educación e do Deporte do campus de Pontevedra. É autora de moitos contos para nenos e nenas e leva toda a vida demostrando que os contos tamén se cantan e ademáis pódense bailar. Agora está xubilada, máis segu...

Ler máis

ACOLLIDA DO NOVO ALUMNADO DE INFANTIL

Hoxe na nosa Aula da Natureza fixemos a acollida do alumnado de nova incorporación para o novo curso de 4º de infantil. Comezouse cunha actividade de benvida con fotos destes novos nenos e nenas , despois fixeron outra actividade titulada "Abrazo á árbore", que consistía en abrazar distintas árbores con cintas elásticas de cores, tamén compartiron cancións, xogos e unha merenda saudable na nosa fermosa carballeira.

Ler máis

A Horta escolar - Voz Natura

Buscar neste blog