VERMICOMPOSTEIRO

No curso pasado  reutilizamos dúas caixas de "porespán" para construír un vermicomposteiro caseiro con miñocas comúns da zona coa intención de que o alumnado poidese observar como se transforma a materia orgánica das merendas en humus líquido, que se utilizará posteriormente para abonar as plantas da horta e as ornamentais de dentro do colexio O humus  é rico en nutrientes, principalmente nitróxeno e potasio, amais incrementa a actividade microbiana do solo.

A vermicompostaxe é o proceso de descomposición e transformación da materia orgánica en humus, realizado pola dixestión das miñocas e a acción combinada de microorganismos presentes no solo. O resultado do proceso, o vermicompost, é un excelente fertilizante orgánico e biorregulador do solo.

  As miñocas denomínanse o “muíño biolóxico”, xa que modifican as características físicas, químicas e biolóxicas, acelerando a súa estabilización e hixienizando a materia orgánica. Pasan por dúas fases durante o proceso: unha inicial (actividade da miñoca) e outra activa (poboación microbiana).