A figura do matemático de Bermés, José Rodríguez, está sendo analizada, estudiada e divulgada con motivo do bicentenario do seu pasamento.
Moitas historias e anécdotas recóllense no libro publicado recentemente e coeditado pola Real Academia Galega das Ciencias (RAGC) e polo Consello da Cultura Galega, José González (1770-1824). Un matemático sublime,
Juan José Nieto Roig, coordinador do libro, afirma que o matemático foi un dos científicos europeos máis brillantes da súa época, con grandes contactos nacionais e internacionais e con achegas non só nas matemáticas, senón na xeometría, astronomía, xeografía e mineraloxía. Entre os estudos máis relevantes están as medicións xeodésicas para situar o centro de Galicia en Lalín, concretamente na Fonte de Castiñeiroa; ou o seu nomeamento polo Goberno de España como "comisario das operacións para a medición do meridiano de Dunkerque en Basilea", sendo un proxecto fundamental para establecer o metro como medida de lonxitude.
No ano 1809 o científico lalinense trasládase a Londres para realizar estudos e cálculos sobre o meridiano de Greenwich, co fin de averiguar se a teoría de Isaac Newton acerca de que a terra era achatada nos polos era correcta. O seu traballo, publicado na Royal Society de Londres no 1812, tivo unha gran repercusión, demostrando empiricamente e con gran exactitude que a teoría de Newton era correcta.
O alumnado de 4º e 5º de primaria visitaron o 22 de xaneiro a exposición sobre este matemático situada no Concello de Lalín.
Comentarios
Publicar un comentario