O 23 de febreiro celébrase o aniversario do nacemento de Rosalía de Castro, a nosa poeta por excelencia. Nos seus poemas percibimos o amor da escritora polos elementos da natureza e polas súas paisaxes. Rosalía de Castro é unha figura fundamental para a lingua e a cultura galega. E esta é unha data especial, na que a sociedade galega se contempla a si mesma para entenderse e recoñecerse e para festexar a propia identidade. Os versos e as palabras de Rosalía son esixentes e requiren da nosa lectura profunda, da nosa escoita e da nosa mirada atenta. A súa obra, a súa vida, o seu padecemento, o seu ollar, o seu sentir, son a alma enteira da nosa Terra. Os versos rosalianos semellan andoriñas viaxeiras de eterno retorno, son verdadeiros cantos de esperanza. Son moitos os poemas nos que Rosalía manifesta un fondo compromiso con Galicia, cos galegos e as galegas, coa lingua, coa cultura e tamén co medio ambiente.
Rosalía de Castro é unha muller que marcou historia en Galicia e no mundo enteiro, unha das escritoras máis importantes. A súa expresividade e a súa forma de contar o día a día coa súa poesía, converteuna nun símbolo da Nosa Terra. Por iso é a galega máis querida e máis importante da nosa historia.
No colexio celebramos coa emisión dun programa de radio, recitamos poemas en familia, cantamos a súa Alborada e construimos o puzle da búsqueda do tesouro.
Comentarios
Publicar un comentario