Xa estamos rematando as clases e comezamos coas excursións de fin de curso. O alumnado de 2º e 3º ciclo realizou esta semana, concretamente o día 15, a súa saída a Pontevedra, pola mañá visitaron o Museo de Pontevedra onde puideron observar a arte española dos séculos XIX e XX, a obra de Castelao e a colección de arqueoloxía onde destacan as pezas de orfebrería; cada ano este museo organiza diversas exposiciones cumprindo coa función de divulgación da historia, da arte e do mundo cultural en xeneral . Xa pola tarde achegáronse ao Parque Arqueolóxico da Arte Rupestre de Campo Lameiro para observar os petróglifos e a recreación do poboado da Idade do Bronce. Na última hora da tarde gozaron dunha merenda nunha contorna natural como é a Área Recreativa das Pedrosas en Silleda. Unha xornada para o recordo.
Comentarios
Publicar un comentario